قصيده اهلا رمضان

اهلا رمضان

جاى علينا بفرحة جميله
زى العاده عامل هوليله
كل الناس وياه راح تفرح
والطبليه تلم العيله
ننزل نلعب قبل المغرب
ونعلق زينه وفوانيس
وتنادى على كل الشارع
وبنلعب عسكر وبوليس
وبنتعب نلعب غمايه
و نقول عالامه وخلاويص
وتنادى امى يلا اطلع
المغرب قريب يا حزين
راح تفطر فى الشارع ولا
راح تطلعلى كمان ساعتين
وبنفطر تانى وبننزل
ونعلق مع بعض الزينه
رمضان الشهر اللى جمعنا
فاكرينه ولا مره نسينا
وسحور وذبادى نتسحر
وبنقرا قرأن للفجر
ونصلى وندعى ونتأخر
يارب تقبل دعاوينا
رمضان اهو جاى بايامه
وانا نازل راح اعلق زينه