متخافيش يا بلدى منهم متخافيش
ومهما قالو من كلام ميهمكيش
ده الكلام دايما رخيص والفعل كان دايما مافييش
وليه دموعك جوه عينك ساكتة ليه متعيطيش
ياما دوستى على الصعاب ومهما كان مبتنحنيش
انتى باقية والكل فانى ومين مخلد ومين يعييش
لسه جيشك برضو حاكمك مش بقولك متخافيش
دول رجالك اللى حاربوا لو حتى غلطو مبتبعيش
ومتخافيش .........
جواكى ناس حالفين يمين والخطة كانت يفرقونا
كنا زمان هلال صليب ليه النهارده هيبعدونا
وازاى اسيب صاحبى مينا مش انتى قلتى انه اخونا
ده حتى جيشنا اللى حارب ورجالو دايما بيفرحونا
حالفين يمين يخربوه ولو خرب هيدبحونا
ومهما عملوا ومهما قالو برضو مش هيرهبونا
مستحيل يجى غريب ويحكم علينا فى بيت ابونا
ومتخافيش .......
يمكن يكون وسط الطريق ايد خبيثة فرقتنا
او شيطان عشش فى دارانا وحلمو كان خراب فى بيتنا
او عادات عشنا عليها من سنين وخلاص سابتنا
او حب كان جوه القلوب هاجر خلاص واحاسيس فاتتنا
لكن اكيد راجعين لحضنك ما لينا غيره وهو بيتنا
ومتخافيش........
الإثنين ديسمبر 09, 2013 10:19 am
بلدى
المشاركات
الشهره
نقاط التقيم
تاريخ التسجيل