المقادير
كيلو دقيق منخول
معلقة ونص صغيرة خميرة فورية
معلقة صغيرة بيكنج باودر
معلقتين صغيرين سكر
معلقة صغيرة ملح
كوب سمنة سايحة
نص لتر لبن رايب

الطريقة
هنحط كلة على بعضة ماعدا اللبن الرايب ونفرك بادينا لحد الدقيق مايشرب السمنة

هنضيف اللبن الرايب حبة حبة ونعجن كويس جدا ودة شكلها



هنغطيها ونسيبها تخمر نص ساعة او ساعة فى مكان دافى



هنقسم العجينة كور صغيرة ونبططها بس متخليهاش رفيعة قوى ونرصهم فى صينية مدهونة سمنة بسيطة



هنسيبها تخمر تانى ربع ساعة كدة



وندخلها الفرن السخن على 190 لحد ماتبقى دهبى من تحت نطفى ونولع الشواية عشان تحمر من فوق
وعلى ماتستوى نكون جهزنا صينية قرص تانية ونحطها مكانها وهكذا لحد ما المقدار يخلص
ودة شكلها النهائى





اهم حاجة ان كل صينية قرص تطلع نحط القرص وهى سخنة فى حلة غويطة ونغطيها عشان تبقى طرية
ماشاء الله الكيلو عمل حلة كبيرة غويطة
وبالهنا والشفا ياقمرات

شكرا انا بحب الطبخ جدااااا